- Lyrics
- Album list
- Singer Intro
葉啟田
-
天天醉
[口白]世間實在無奇不有,行行出狀元,各有千秋,有的愛風騷,有的愛風流,有的愛賭博啊,有的愛撞球,那我的人生觀搭項無,取一步飲燒酒,一日若無酒就三日會憂愁,嘿嘿嘿,朋友啊,來喔,酒是咱的好朋友
我手捧酒一杯,你也一杯,咱大家來乾杯(喲喲), 爽快飲一杯啊,飲乎醉茫茫,人生成功失敗免怨歎(免怨歎), 世間人親像一場的眠夢,鹹酸苦味才欲飲(喲喲), 有幾位好景緻,咱攏是好兄弟,杯底不通飼金魚,大家乾杯飲落去。
我來敬你一杯,敬伊一杯,咱儘量來乾杯(喲喲), 有酒跟有菜啊,不飲是憨呆,小姐燒酒擱再三打來(三打來), 不管有什麼天大的困難,酒若飲落心輕鬆(喲喲), 有幾位青春時,咱攏是好兄弟,有酒不飲等何時,大家乾杯飲落去。
我跟你化三杯,輸拳飲酒,一定要來乾杯(喲喲), 啊你先過來我,六連拚八仙哪,有來有去上好化無停(化無停), 大家來飲乎天天醉最好,無煩無惱心清清(喲喲), 有幾位好時機,咱攏是好兄弟,燒酒透海免細膩,大家乾杯飲落去, 大家乾杯飲落去,大家乾杯飲落去,大家乾杯飲落去。
------------------------------------------
《天天醉》Thian-thian Tsuì 葉啟田Ia̍p Khé-tiân
↓↓---(口白)---↓↓ 世間實在無奇不有 sè-kan si̍t-tsāi bû-kî-put-iú 行行出狀元 hâng-hâng tshut tsiōng-guân 各有千秋 kok-iú-tshian-tshiu 有的愛風騷 ū-ê ài hong-so 有的愛風流 ū-ê ài hong-liû 有的愛跋筊啊 ū-ê ài pua̍h-kiáu--ah 有的愛挵球 ū-ê ài lòn-kiû 若我的人生觀 nā guá ê jîn-sing-kuan 逐項無 ta̍k hāng bô 取一步啉燒酒 tshú tsi̍t-pōo lim-sio-tsiú 一日若無酒 tsi̍t-ji̍t nā bô tsiú 就三日會憂愁 tō sann-ji̍t ē iu-tshiû 嘿嘿嘿 heh heh heh 朋友啊來喔 pîng-iú--ah lâi--ooh 酒是咱的好朋友 tsiú sī lán ê hó-pîng-iú ↑↑---(口白)---↑↑
我手捀酒一杯 guá tshiú phâng tsiú tsi̍t-pue 你也一杯 lí iā tsi̍t-pue 咱逐家來乾杯 lán ta̍k-ke lâi kan-pue 爽快啉一杯啊 sóng-khuài lim--tsi̍t-pue ah 啉予醉茫茫 lim hōo tsuì-bâng-bâng 人生成功失敗 jîn-sing sîng-kong sit-pāi 免怨嘆 bián uàn-thàn 免怨嘆 bián uàn-thàn
世間人 sè-kan-lâng 親像一場的眠夢 tshin-tshiūnn tsi̍t-tiûnn ê bîn-bāng 鹹酸苦味才欲啉 kiâm-sng-khóo-bī tsiah bueh lim 有幾个好景緻 ū kuí ê hó kíng-tì 咱攏是好兄弟 lán lóng-sī hó-hiann-tī 杯底毋通飼金魚 pue-té m̄-thang tshī kim-hî 逐家乾杯啉落去 ta̍k-ke kan-pue lim--lo̍h-khì
我來敬你一杯 guá lâi kìng lí tsi̍t-pue 敬伊一杯 kìng i tsi̍t-pue 咱盡量來乾杯 lán tsīn-liōng lâi kan-pue 有酒佮有菜啊 ū tsiú kah ū tshài--ah 毋啉是戇呆 m̄-lim sī gōng-tai 小姐燒酒閣再三打來 sió-tsiá sio-tsiú koh-tsài sann-tánn--lâi 三打來 sann-tánn--lâi
毋管有啥物天大的困難 m̄-kuán ū siánn-mih thinn-tuā ê khùn-lân 酒若啉落心輕鬆哎喲 tsiú nā lim--lo̍h sim khin-sang 有幾个青春時 ū kuí ê tshing-tshun sî 咱攏是好兄弟 lán lóng-sī hó-hiann-tī 有酒毋啉等何時 ū tsiú m̄-lim tán hô-sî 逐家乾杯啉落去 ta̍k-ke kan-pue lim--lo̍h-khì
我佮你喝三杯 guá kah lí huah sann-pue 輸拳啉酒 su kûn lim tsiú 一定愛來乾杯 it-tīng ài lâi kan-pue 啊你啉過來我 ah lí lim kuè-lâi guá 啊六連拚八仙啊 ah la̍k-liân piànn pat-sian--ah 有來有去 ū lâi ū khì 上好喝無停 siōng-hó huah bô thîng 喝無停 huah bô thîng
逐家來啉予天天醉最好 ta̍k-ke lâi lim hōo thian-thian tsuì tsuè hó 無煩無惱心清清 bô-huân-bô-lóo sim tshing-tshing 有幾个好時機 ū kuí ê hó sî-ki 咱攏是好兄弟 lán lóng-sī hó-hiann-tī 燒酒透海免細膩 sio-tsiú thàu-hái bián sè-jī 逐家乾杯啉落去 ta̍k-ke kan-pue lim--lo̍h-khì
逐家乾杯啉落去 ta̍k-ke kan-pue lim--lo̍h-khì 逐家乾杯啉落去 ta̍k-ke kan-pue lim--lo̍h-khì 逐家乾杯啉落去 ta̍k-ke kan-pue lim--lo̍h-khì
- Special thanks to W.B. Chen for correcting the lyric.
- Related Links: W.B. Chen
|