- Album Intro
- Lyrics
- Album list
- Singer Intro
林俊逸
-
兩人的代誌
Lyricist:嚴云農、林俊逸 Composer:林俊逸
我愛你 三个字 我袂曉寫 嘛無一定有人通講出喙
長長的路 較早各行各人的 是彼一日 你笑微微 出面
開始參詳 過日子 開始走傱 汗咧豉 開始會曉想 兩人的代誌
我的名字 你的名字 若念做伙 就有一款啥攏免驚的條直
咱自半暝 堅持 行到天光時 未來 敢會 好天
你的一生 我的一生 攏咧準備 像這陣㒰款徛倚佇你身邊
有一款稀罕是只愛你一个 有一款幸福叫做我為你操煩
我愛你 三个字 我會曉寫 是因為你用性命來表示
長長的路 較早各行各人的 從今以後 有我陪你 流浪
鬥陣拼 莫歕雞胿 鬥陣衝 夢上值錢 一世人是咱 兩人的代誌
我的名字 你的名字 若寫做伙 就有一款袂當分開的牽絲
咱自半暝堅持行到天光時 未來 就一定會是好天
你的一生 我的一生 攏咧準備 像這陣㒰款手牽手徛佇遮
有一款夢想是為你掛手指 有一款應聲 叫做我 我願意
我願意
------------------------------------------
21509/《兩人的代誌》Nn̄g-lâng ê Tāi-tsì 林俊逸Lîm Tsùn-i̍t
我愛你 guá ài lí 三个字 sann-ê jī 我袂曉寫 guá buē-hiáu siá 嘛無一定 mā bô-it-tīng 有人通講出喙 ū-lâng thang kóng tshut-tshuì 長長的路 tn̂g-tn̂g ê lōo 較早各行各人的 khah-tsá kok kiânn kok-lâng ê 是彼一日 sī hit-tsi̍t-ji̍t 你笑微微出面 lí tshiò bi-bi tshut-bīn
開始參詳過日子 khai-sí tsham-siông kuè ji̍t-tsí 開始走傱 khai-sí tsáu-tsông 汗咧豉 kuānn teh sīnn 開始會曉想 khai-sí ē-hiáu siūnn 兩人的代誌 nn̄g-lâng ê tāi-tsì
我的名字 guá ê miâ-jī 你的名字 lí ê miâ-jī 若唸做伙 nā liām tsò-hué 就有一款 tiō ū tsi̍t-khuán 啥攏免驚的條直 siánn lóng bián-kiann ê tiâu-ti̍t Find more lyrics at ※ Mojim.com 咱自半暝 lán tsū puànn-mî 堅持行到天光時 kian-tshî kiânn kàu thinn kng sî 未來敢會好天 bī-lâi kám ē hó-thinn
你的一生 lí ê it-sing 我的一生 guá ê it-sing 攏咧準備 lóng teh tsún-pī 像這陣仝款 tshiūnn tsit-tsūn kāng-khuán 徛倚佇你身邊 khiā uá tī lí sin-pinn 有一款稀罕 ū tsi̍t-khuán hi-hán 是只愛你一个 sī tsí ài lí tsi̍t-ê 有一款幸福 ū tsi̍t-khuán hīng-hok 叫做我為你操煩 kiò-tsuè guá uī lí tshau-huân
我愛你 guá ài lí 三个字 sann-ê jī 我會曉寫 guá ē-hiáu siá 是因為你 sī in-uī lí 用性命來表示 iōng sìnn-miā lâi piáu-sī 長長的路 tn̂g-tn̂g ê lōo 較早各行各人的 khah-tsá kok kiânn kok-lâng ê 從今以後 tsiông-kim í-āu 有我陪你流浪 ū guá puê lí liû-lōng
鬥陣拚 tàu-tīn piànn 莫歕雞胿 mài pûn-ke-kui 鬥陣衝 tàu-tīn tshiong 夢上值錢 bāng siōng ta̍t-tsînn 一世人 tsi̍t-sì-lâng 是咱兩人的代誌 sī lán nn̄g-lâng ê tāi-tsì
我的名字 guá ê miâ-jī 你的名字 lí ê miâ-jī 若寫做伙 nā siá tsò-hué 就有一款 tiō ū tsi̍t-khuán 袂當分開的牽絲 buē-tàng hun-khui ê khan-si 咱自半暝 lán tsū puànn-mî 堅持行到天光時 kian-tshî kiânn kàu thinn kng sî 未來 bī-lâi 就一定會是好天 tiō it-tīng ē sī hó-thinn
你的一生 lí ê it-sing 我的一生 guá ê it-sing 攏咧準備 lóng teh tsún-pī 像這陣仝款 tshiūnn tsit-tsūn kāng-khuán 手牽手徛佇遮 tshiú khan-tshiú khiā tī tsia
有一款夢想 ū tsi̍t-khuán bāng siūnn 是為你掛手指 sī uī lí kuà tshiú-tsí 有一款應聲 ū tsi̍t-khuán ìn-siann 叫做我 kiò-tsuè guá 我願意 guá guān-ì
- Special thanks to W.B. Chen for correcting the lyric.
- Related Links: W.B. Chen
|