- Lyrics
- Album list
鄭琇月
-
互相愛原諒
Lyricist:許杭 Composer:柔君
18969/《互相愛原諒》Hōo-siong Ài Guân-liōng 鄭琇月Tēnn Siù-gua̍t
↓↓(口白)---(口白)↓↓ 啊~盈暗月色 ah~ îng-àm ge̍h-sik 又閣白茫茫照天空 iū-koh pe̍h-bông-bông tsiò thian-khong 孤單踮在港邊 koo-tuann tiàm-tsāi káng-pinn 看著波浪 khuànn-tio̍h pho-lōng 一湧一湧 tsi̍t-íng-tsi̍t-íng 溢來又溢去 ik-lâi iū ik-khì 宛然親像 uán-jiân tshin-tshiūnn 往事一幕一幕 óng-sū tsi̍t-bōo-tsi̍t-bōo 浮在阮的心中 phû tsāi gún ê sim-tiong 啊~ ah~ ↑↑(口白)---(口白)↑↑
你有你的好前程 lí ū lí ê hó tsiân-thîng 我有我的新理想 guá ū guá ê sin lí-sióng 為著一時的衝動 uī-tio̍h tsi̍t-sî ê tshiong-tōng 你咱情愛變茫茫 lí lán tsîng-ài piàn bông-bông
自從別後 tsū-tsiông pia̍t āu 情意難忘 tsîng-ì lân-bōng 時常後悔在心中 sî-siông hiō-hué tsāi sim-tiong 責備自己無路用 tsik-pī tsū-kí bô-lōo-iōng 一切互相愛相容 it-tshè hōo-siong ài siong-iông
↓↓(口白)---(口白)---(口白)↓↓ - 坤明兄 Khun-bîng hiann 真難得盈暗 tsin lân-tit îng-àm 咱會當閣見面 lán ē-tàng koh kìnn-bīn -- 玉惠 Gio̍k-huī 你約我來遮 lí iok guá lâi tsia 到底有啥物代誌 tàu-té ū siánn-mih tāi-tsì 請你緊講 tshiánn lí kín kóng 我真無閒 guá tsin bô-îng
- 坤明兄 Khun-bîng hiann 你是毋是 lí sī-m̄-sī 猶閣佇咧受氣 iáu-koh tī-eh siūnn-khì 過去彼層代誌 kuè-khì hit tsân tāi-tsì 完全是誤會 uân-tsuân sī gōo-huē 你何必 lí hô-pit 囥咧心肝內呢 khǹg eh sim-kuann-lāi--neh
-- 哼!你有你的前途 hngh! lí ū lí ê tsiân-tôo 我有我的理想 guá ū guá ê lí-sióng 莫提起往事 mài thê-khí óng-sū 好毋? hó--m̄?
Find more lyrics at ※ Mojim.com - 以前你我袂當相原諒 í-tsîng lí guá buē-tàng sann guân-liōng 我嘛後悔在心中 guá mā hiō-hué tsāi sim-tiong 明知影離別是勉強 bîng tsai-iánn lî-pia̍t sī bián-kióng 毋過你一時意氣用事 m̄-koh lí tsi̍t-sî ì-khì iōng-sū 使我使我 sú guá sú guá 痛苦也悲傷 thòng-khóo iā pi-siong
-- 唅!誠實的? hannh! tsiânn-si̍t--ê? 誠實是按呢? tsiânn-si̍t sī án-ne? 啊!玉惠 ah! Gio̍k-huī 自從佮你分開了後 tsū-tsiông kah lí hun-khui liáu-āu 我嘛時常思念你 guá mā sî-siông su-liām lí 雖然我家己 sui-jiân guá ka-kī 知影我的毋著 tsai-iánn guá ê m̄-tio̍h 毋過我無勇氣 m̄-koh guá bô ióng-khì 向你賠罪 hiòng lí puê-tsuē
- 坤明兄 Khun-bîng hiann 想起當初 siūnn-khí tong-tshoo 你我熟似了後 lí guá si̍k-sāi liáu-āu 日子過得快快樂樂 ji̍t-tsí kuè tit khuài-khuài-lo̍k-lo̍k 毋過這馬 m̄-koh tsit-má 毋過這馬 m̄-koh tsit-má
-- 玉惠 Gio̍k-huī 請你原諒我 tshiánn lí guân-liōng guá 希望盈暗的相逢 hi-bāng îng-àm ê siong-hông 會當挽回咱的感情 ē-tàng bán-huê lán ê kám-tsîng
- 誠實的? tsiânn-si̍t--ê? -- 是! sī!
-坤明兄 Khun-bîng hiann 我真歡喜 guá tsin huann-hí 坤明兄 Khun-bîng hiann -- 玉惠 Gio̍k-huī ↑↑(口白)---(口白)---(口白)↑↑
意見袂合是平常 ì-kiàn buē-ha̍h sī pîng-siông 萬事著愛小尊重 bān-sū tio̍h-ài sió tsun-tiōng 今日歡喜再相逢 kim-ji̍t huann-hí tsài siong-hông 真情真愛相感動 tsin-tsîng tsin-ài sio kám-tōng
過去一切 kuè-khì it-tshè 免掛心中 bián kuà sim-tiong 回復往日的笑容 huê-ho̍k óng-ji̍t ê tshiò-iông 共同拍拚為理想 kiōng-tông phah-piànn uī lí-sióng 期待明日的春風 kî-thāi bîng-ji̍t ê tshun-hong
- Special thanks to W.B. Chen for sharing the lyric.
- Related Links: W.B. Chen
|