- Album Intro
- Lyrics
- Album list
- Singer Intro
榕幫
-
360
Lyricist:詹士賢、李家昀、高華辰、林奕碩 Composer:詹士賢、李家昀、高華辰、林奕碩
伊講囡仔 你無讀冊你大漢會抾捔 伊講囡仔 愛揣好工課無以後會抾捔 伊講囡仔 無娶某生囝老阿你會抾捔 規工踅踅唸東唸西氣身惱命有夠倒彈 好啊啦 算我共你拜託啦 人兩跤錢四跤 按怎逐攏逐無啦 雖然這馬逐頓攏食粗飽 但是為著夢想 阮甘願睏塗跤 我有理想無的確別人無 做家己上佮意的代誌歸工嚓嚓趒 少年吔較衝碰 好哩佳哉我有思考 毋是看著目標就隨硞硞傱 頭腦精光 向前行袂閣踅玲瑯 像林強 成功 做時代的英雄 繼續拼 骨力做 鄉里流傳我的名 天公囝 我的路 欲佇頂懸橫咧行
你毋知阮是 為著理想來降世 註定欲來興旺祖先獻出我一切 原來是阮眠夢袂清醒 點仔膠 黏著跤 我的路 佗位揣
I wanna be the top 所以我骨力拍拚 免予人來喝 永遠佇咧向前行 嘿 媽媽 我想欲予你驕傲 日時走佇咧街仔頂絕對攏有風 聽話認真讀書 別項攏毋管 學校各位老師 呵咾我尚乖 考大學 讀碩士 我嘛揣著興趣 如今我欲出帆 會成功倒轉厝 雖然艱苦猶原做 我毋捌後悔 請免煩惱顧腹肚 有青春通好賠 時間逐工咧走 漸漸感覺兇狂 一个人無法越頭 莫當做我衝碰 心內知知 這條路無好過 佇我心內 永遠會記得你的話 三百六十行 行行攏會出狀元 煞毋知最後賰我一人戇戇哭悲哀
你毋知阮是 為著理想來降世 註定欲來興旺祖先 獻出我一切 原來是阮眠夢袂清醒 點仔膠 黏著跤 我的路 佗位揣
今仔日風真透 頭家的面臭臭 拚死咧做 為著頭家 面笑笑 是好天抑是風颱天 真歹臆著 免數想有人呵咾 莫來罵就好 就算講滿腹的怨氣 面嘛是愛笑 自茶店到餐廳到今仔日上班有桌仔 薪水嘛拚袂過外口做烏的哥仔 我的未來不是夢 彼條歌烏白寫 便當就烏白食 至少肚皮不會空 逐家攏講機會是留給準備好的人 但是我看好位攏是老闆準備好的人 三分天註定 七分著愛靠後壁 這決定了對人喝抑是予人喝gâu早 王董的囝以後嘛是叫做王董 阮可能準備等後世人
你毋知阮是 為著理想來降世 註定欲來興旺祖先 獻出我一切 原來是阮眠夢袂清醒 點仔膠 黏著跤 我的路 佗位揣
為著理想來降世 你毋知 註定欲來興旺祖先 獻出我一切 原來是阮眠夢袂清醒 點仔膠 黏著跤 我的路 佗位揣
------------------------------------------
21324/《360》Sann-pah La̍k-tsa̍p 榕幫樂團Iông-pang Ga̍k-thuân 林奕碩Lîm I̍k-sik
伊講囡仔你無讀冊 i kóng gín-á lí bô tha̍k-tsheh 你大漢會抾捔 lí tuā-hàn ē khioh-ka̍k 伊講囡仔揣好工課 i kóng gín-á tshuē hó khang-khuè 無以後會抾捔 bô, í-āu ē khioh-ka̍k 伊講囡仔無娶某生囝 i kóng gín-á bô tshuā-bóo sinn-kiánn 老矣你會抾捔 lāu--ah lí ē khioh-ka̍k 規工踅踅唸東唸西 kui kang se̍h-se̍h liām-tang-liām-sai 氣身惱命 khì-sin-lóo-miā 有夠倒彈 ū-kàu tò-tuānn
好矣啦 hó--ah lah 算我共你拜託啦 sǹg guá kā lí pài-thok--lah 人兩跤錢四跤 lâng nn̄g-kha tsînn sì-kha 按怎逐攏逐無啦 án-tsuánn jio̍k lóng jio̍k bô--lah 雖然這馬 sui-jiân tsit-má 逐頓攏食粗飽 ta̍k-tǹg lóng tsia̍h tshoo-pá 但是為著夢想 tān-sī uī-tio̍h bāng-sióng 阮甘願睏塗跤 gún kam-guān khùn thôo-kha
我有理想 guá ū lí-sióng 無的確別人無 bô-tik-khak pa̍t-lâng bô 做家己上佮意的代誌 tsò ka-kī siōng kah-ì ê tāi-tsì 規工嚓嚓趒 kui-kang tshia̍k-tshia̍k-tiô 少年的較衝碰 siàu-liân--ê khah tshóng-pōng 好得佳哉我有思考 hó-leh-ka-tsài guá ū su-khó 毋是看著目標 m̄-sī khuànn-tio̍h bo̍k-piau 就隨硞硞傱 tō suî kho̍k-kho̍k tsông
頭腦精光 thâu-náu tsing-kong 向前行 hiòng-tsiân kiânn 袂閣踅玲瑯 buē koh se̍h-lin-long 像林強成功 tshiūnn Lîm Kiông sîng-kong 做時代的英雄 tsò sî-tāi ê ing-hiông 繼續拚 kè-sio̍k piànn 骨力做 kut-la̍t tsò 鄉里流傳我的名 hiong-lí liû-thuân guá ê miâ 天公囝 thinn-kong-kiánn 我的路 guá ê lōo 欲佇頂懸橫咧行 beh tī tíng-kuân huâinn teh kiânn
你毋知阮是 lí m̄-tsai gún sī 為著理想來降世 uī-tio̍h lí-sióng lâi kàng-sè 註定欲來興旺祖先 tsù-tiānn beh lâi hing-ōng tsóo-sian 獻出我一切 hiàn-tshut guá it-tshè 原來是 guân-lâi sī Find more lyrics at ※ Mojim.com 阮眠夢袂清醒 gún bîn-bāng buē tshing-tshénn 打馬膠黏著跤 tiám-á-ka liâm tio̍h kha 我的路佗位揣 guá ê lōo tó-uī tshuē
I wanna be on the top 所以我骨力拍拚 sóo-í guá kut-la̍t phah-piànn 免予人來喝 bián hōo-lâng lâi huah 永遠佇咧向前行 íng-uán tī-leh hiòng-tsiân kiânn 嘿!媽媽 heh! má-mah 我想欲予你驕傲 guá siūnn-beh hōo lí kiau-ngōo 日時行咧街仔頂 ji̍t--sî kiânn leh ke-á-tíng 絕對攏有風 tsua̍t-tuì lóng ū hong 聽話認真讀書 thiann-uē jīn-tsin tha̍k-tsu 別項攏毋管 pa̍t-hāng lóng m̄-kuán 學校各位老師 ha̍k-hāu kok-uī lāu-su 呵咾我上乖 o-ló guá siōng kuai 考大學讀碩士 khó tāi-ha̍k tha̍k si̍k-sū 我嘛揣著興趣 guá mā tshuē-tio̍h hìng-tshù 如今我欲出航 jû-kim guá beh tshut-hâng 會成功倒轉厝 ē sîng-kong tò-tńg tshù
雖然艱苦 sui-jiân kan-khóo 猶原做 iu-guân tsò 我毋捌後悔 guá m̄-bat hiō-hué 請免煩惱顧腹肚 tshiánn bián huân-ló kòo pak-tóo 有青春通好賠 ū tshing-tshun thang-hó puê 時間逐工咧走 sî-kan ta̍k-kang teh tsáu 漸漸感覺兇狂 tsiām-tsiām kám-kak hiong-kông 一个人無法越頭 tsi̍t-ê-lâng bô-huat ua̍t-thâu 莫當做我衝碰 mài tòng-tsò guá tshiong-pōng
心內知知 sim-lāi tsai-tsai 這條路無好過 tsit tiâu lōo bô hó-kuè 佇我心內 tī guá sim-lāi 永遠會記你的話 íng-uán ē-kì lí ê uē 三百六十行 sann-pah la̍k-tsa̍p hâng 行行攏會出狀元 hâng-hâng lóng ē tshut tsiōng-guân 煞毋知最後 suah m̄-tsai tsuè-āu 賰我一人 tshun guá tsi̍t-lâng 戇戇哭悲哀 gōng-gōng khàu pi-ai
你毋知阮是 lí m̄-tsai gún sī 為著理想來降世 uī-tio̍h lí-sióng lâi kàng-sè 註定欲來興旺祖先 tsù-tiānn beh lâi hing-ōng tsóo-sian 獻出我一切 hiàn-tshut guá it-tshè 原來是 guân-lâi sī 阮眠夢袂清醒 gún bîn-bāng buē tshing-tshénn 打馬膠黏著跤 tiám-á-ka liâm tio̍h kha 我的路佗位揣 guá ê lōo tó-uī tshuē
今仔日風真透 kin-á-ji̍t hong tsin thàu 頭家的面臭臭 thâu-ke ê bīn tshàu-tshàu 拚死咧做 piànn-sí teh tsò 為著頭家面笑笑 uī-tio̍h thâu-ke bīn tshiò-tshiò 是好天抑是風颱天 sī hó-thinn ia̍h-sī hong-thai-thinn 真歹臆著 tsin pháinn ioh--tio̍h
免數想有人呵咾 bián siàu-siūnn ū-lâng o-ló 莫來罵就好 mài lâi mē tiō hó 就算講滿腹的怨屈 tiō sǹg-kóng muá-pak ê uàn-khut 面嘛是愛笑 bīn mā sī ài tshiò 自茶店到餐廳 tsū tê-tiàm kàu tshan-thiann 到今仔日 kàu kin-á-ji̍t 上班有桌仔 siōng-pan ū toh-á 薪水嘛拚袂過 sin-suí mā piànn buē-kuè 外口做烏的哥仔 guā-kháu tsò-oo ê ko-á
我的未來不是夢 wǒ de wèilái búshì mèng 彼个歌烏白寫 hit-ê kua oo-pe̍h siá 便當著烏白食 piān-tong to̍h oo-pe̍h tsia̍h 至少肚子不會空 zhìshǎo dùzi búhuì kōng 逐家攏講機會 ta̍k-ke lóng kóng 機會是留給準備好的人 jīhuì shì liú gěi zhǔnbèi hǎo de rén 但我看好位攏是 tān guá khuànn hó-uī lóng-sī 老闆準備好的人 lǎobǎn zhǔnbèi hǎo de rén
三分天註定 sann-hun thinn tsù-tiānn 七分著愛靠後壁 tshit-hun tio̍h-ài khò āu-piah 這決定了對人喝 tse kuat-tīng liáu tuì lâng huah 抑是予人喝𠢕早 ia̍h-sī hōo-lâng huah gâu-tsá 王董的囝 Ông-táng ê kiánn 以後嘛是叫做王董 í-āu mā sī kiò-tsò Ông-táng 阮可能準備等後世人 gún khó-lîng tsún-pī tán āu-sì-lâng
你毋知阮是 lí m̄-tsai gún sī 為著理想來降世 uī-tio̍h lí-sióng lâi kàng-sè 註定欲來興旺祖先 tsù-tiānn beh lâi hing-ōng tsóo-sian 獻出我一切 hiàn-tshut guá it-tshè 原來是 guân-lâi sī 阮眠夢袂清醒 gún bîn-bāng buē tshing-tshénn 打馬膠黏著跤 tiám-á-ka liâm tio̍h kha 我的路佗位揣 guá ê lōo tó-uī tshuē
- Special thanks to W.B. Chen for correcting the lyric.
- Related Links: W.B. Chen
|