- Lyrics
- Album list
林助家
-
伊的面容
櫻花相爭正月開 花蕊開⏥紅記記 二月初二是土地公生 大家拜拜求好年 柚~子花 花開好香味 等待中秋來團圓 鷹~仔飛 伊要飛去叨? 等待春天欲返去! 尚蓋癡情是火金姑 暗頭仔點電火 講欲娶新娘 水蛙嘛來逗熱鬧 開著彼了演唱會 五月竹筍當大出 欲食尚鮮仔趁這陣 六月是火燒埔 七月是斷點露 目睭一眨到中秋 硬漢嶺頂 自由⏤賞 九月十三真熱鬧 觀音佛祖 請保庇~咱大家 秋天飛來南路鷹 千里迢迢的旅行 找著過冬的好環境 擱卡危險嘛無要緊 柚~仔花 花開好香味 等待中秋來團圓 相~思海 花開黃綿綿 一蕊一蕊圓圓圓 柚~子花 花開好香味 等待中秋來團圓 鷹~仔飛 伊要飛去叨? 等待春天~欲返去!
------------------------------------------
18313/《伊的面容》I ê Bīn-iông 林助家Lîm Tsōo-ka
櫻花相爭正月開 ing-hue sio-tsinn tsiann--gue̍h khui 花蕊開甲紅記記 hue-luí khui kah âng-kì-kì 二月初二 jī-ge̍h tshe-jī 是土地公生 sī Thóo-tī-kong sinn 逐个拜拜求好年 ta̍k-ê pài-pài kiû hó-nî 柚仔花 iū-á hue 花開好芳味 hue khui hó phang-bī 等待中秋來團圓 tán-thāi tiong-tshiu lâi thuân-înn 鷹仔飛 ing-á pue 伊欲飛去佗 i beh pue khì tueh 等待春天欲轉去 tán-thāi tshun-thinn beh tńg--khì
上蓋痴情是火金蛄 siōng-kài tshi-tsîng sī hué-kim-koo Find more lyrics at ※ Mojim.com 暗頭仔點電火 àm-thâu-á tiám tiān-hué 講欲娶新娘喔 kóng beh tshuā-sin-niû--ooh 啊水雞嘛來鬥鬧熱 ah tsuí-ke mā lâi tàu-lāu-jia̍t 開著彼號演唱會 khui tio̍h hit-lō ián-tshiùnn-huē
五月竹筍當大出 gōo-gue̍h tik-sún tng tuā-tshut 啊欲食上鮮的趁這陣 ah beh tsia̍h siōng-tshinn--ê thàn tsit-tsūn 六月是火燒埔 la̍k--gue̍h sī hué-sio-poo 七月是當點露 tshit--gue̍h sī tng tiám lōo 目睭一𥍉到中秋 ba̍k-tsiu tsi̍t-nih kàu tiong-tshiu 硬漢嶺頂自由賞 Ngī-hàn-niá tíng tsū-iû siúnn 啊九月十三真鬧熱 ah káu-gue̍h tsa̍p-Sam-tsin lāu-jia̍t 觀音佛祖 Kuan-im Hu̍t-tsóo 請保庇咱逐个 tshiánn pó-pì lán ta̍k-ê
秋天飛來南路鷹 tshiu-thinn pue lâi lâm-lōo-ing 千里迢迢的旅行 tshian-lí tiâu-tiâu ê lú-hîng 揣著過冬的好環境 tshuē-tio̍h kuè-tang ê hó khuân-kíng 閣較危險嘛袂要緊 koh-khah guî-hiám mā buē-iàu-kín
柚仔花 iū-á hue 花開好芳味 hue khui hó phang-bī 等待中秋來團圓 tán-thāi tiong-tshiu lâi thuân-înn 相思仔海 siunn-si-á hái 花開黃綿綿 hue khui n̂g mî-mî 一蕊一蕊圓圓圓 tsi̍t-luí-tsi̍t-luí i̋nn-înn-înn
柚仔花 iū-á hue 花開好芳味 hue khui hó phang-bī 等待中秋來團圓 tán-thāi tiong-tshiu lâi thuân-înn 鷹仔飛喔 ing-á pue--ooh 伊欲飛去佗 i beh pue khì tueh 等待春天欲轉去 tán-thāi tshun-thinn beh tńg--khì
- Special thanks to W.B. Chen for correcting the lyric.
- Related Links: W.B. Chen
|
|